Woh aur Main

Shayad woh humsa nahi, ya shayad main hi kuch zyada hoon, woh bas baaton mein hai, aur main unhi baaton ka iraada hoon. Woh mujhse baat karti hai, jaise baat karna hi kaafi hai, aur main har lafz mein dhoondta hoon shayad koi baat baaki hai. Uske liye shaam hai, mere liye uska intezaar, woh kal ki baat bhool jaaye, main yaad rakhoon baar-baar. Woh poochhe toh bas jawaab doon, par dil chahe kuch aur kahoon, woh jitna mujhe samajhti hai, main usse usse zyada samajhna chahoon. Kya pata uske liye ye bas ek aadat ho, aur mere liye dheere-dheere mohabbat ho, kya pata woh kal kisi aur se kahe, aur main aaj bhi usi ka khayal likhta rahoon. Shayad woh humsa nahi… aur shayad main bhi ye jaanta hoon, phir bhi jab woh baat karti hai, main har baar thoda aur chahta hoon.